०३ पौष २०७५, काठमाडौं
शहीद स्मारक ए डिभिजन लिगमा न्युरोड टिम एनआरटीले लगातार आठौं हार भोगेको छ । हिजो भएको खेलमा एनआरटी हिमालयन शेर्पा क्लबसँग १–० ले स्तब्ध बन्यो ।
हिजो ललितपुरको सातदोबाटोस्थित एन्फा कम्पलेक्सको ग्राउन्डमा भएको खेलमा शेर्पाको साँघुरो जितमा विश्वास श्रेष्ठ नायक बने । उनले खेलको ४५औं मिनेटमा गोल गरेको १ मात्रै गोल जितका लागि निर्णायक बन्यो । पहिलो हाफमा १–० को अग्रता लिएकोमा शेर्पाविरुद्ध एनआरटीले दोस्रो हाफमा गोल गर्न नसक्दा खेल शर्पाले शेर्पाले १–० ले जित्यो । यससँगै एनआरटी लिगमा हालसम्म पनि जितनविहीन बनेको छ ।
आफ्नो पहिलो खेलमा बलियो टोली विभागीय टिम आर्मी क्लबसँग २–२ गोलको बराबरी खेलेको एनआरटीले त्यसयता लगातार आठौं खेलमा हारेको हो ।
