के पूर्व प्रेमी प्रेमिका हुन् धिरज र जसिता ?

०३ पुष २०७५, काठमाडौँ

नायिका जसिता गुरुङ पहिलो चलचत्रिबाट नै नेपाली चलचित्र क्षेत्रमा निकै सफलता पाउन सफल नायिका हुन् । उनको पहिलो चलचित्र लिलिबिली बाट नै दर्शकले उनको अभिनय र सुन्दरताको मुक्तकण्ठले प्रशंसा गर्ने गरेका छन् ।  जसिता आफ्नो आगामी चलचित्र लब स्टेशन को छायांकन सकेर यूके उडिसकेकी छिन् ।

जसिताको दोस्रो चलचित्रको छायांकन नसकिदै उनले गर्ने तेस्रो चलचित्र पनि घोषित भैसेकको छ । चलचित्र इन्टु मिन्टु लण्डनमा बाट नेपाली चलचित्रमा आएका धिरज मगरसँग जसिताले तेस्रो चलचित्र गर्न लागेको कुरा सार्वजनिक भएको छ ।  रेनशा वान्तवा राईले निर्माण गर्न लागेको चलचित्र आइ एम ट्वान्टि वान मा जसिता र धिरजको जोडि हुने रेनशाले बताएकी छिन् । उनले जसितासँग मौखिक सहमती भैसकेको र कागजी सहमती पनि छिट्टै हुने बताएकी छिन् ।

अहिले सिनेवृतमा जसिता र धिरज पूर्व प्रेमी प्रेमिका रहेको कुराले सामाजिक सञ्जालमा निकै राम्रो स्थान पाइरहेको छ । स्मरण रहोस् नायिका जसिता गुरुङ अभिनेत्री मात्र नभएर राम्रो डान्सर पनि हुन् । उनले दुई बर्ष अगाडी यूके डान्स आइडल जितेकी थिइन् । त्यस शो को फिनाले धिरज मगरले होस्ट गरेका थिए भने जर्जको रुपमा रेनशा नै थिइन् । प्राप्त जानकारी अनुसार जसिता र धिरजको उक्त शो भन्दा अगाडी नै ब्रेकअप भैसकेको थियो । अब रेनशाले पूर्व प्रेमी प्रेमिकालाई चलचित्रमा एकसाथ ल्याउन सक्छिन् वा सक्दिनन् त्यो भने जसिताको निर्णयपछि नै थाहा हुनेछ ।