चैत्र १ मा आउँदै प्रदिप र जसिताको ‘लब स्टेशन’

०४ पुष २०७५, काठमाडौँ

नायक प्रदिप खड्का र पहिलो चलचित्र लिलिबिली बाट नै निकै चर्चा पाउन सफल नायिका जसिता गुरुङले दोस्रो पटक सहकार्य गरेको चलचित्र लब स्टेशन ले आफ्नो प्रदर्शन मिति तय गरेको छ ।

फागुनमा रिलिज हुने चर्चा चलेको चलचित्र फागुनमा नभएर अब चैत्रमा रिलिज हुने भएको छ । चलचित्र लब स्टेशन चैत्र १ बाट देशव्यापी रुपमा प्रदर्शनमा आउने भएको छ । उज्वल घिमिरेले निर्देशन गरेको चलचित्रको छायांकन इलाम, दार्जिलिङ लगायतका रमणीय स्थानमा गरिएको हो ।

सांगीतिक प्रेम कथामा आधारित चलचित्रमा प्रदिप र जसिताका साथ प्रिया रिजाल, रमेश बुढाथोकी, प्रकाश शाह लगायतका कलाकारको अभिनय रहेको छ ।