२०२० मा आउने भयो टाइगरको ‘बागी ३’

०४ पुष २०७५, काठमाडौँ

टाइगर श्राफ बलिउडका नाम चलेका अभिनेता हुन् । उनले धेरै सफल चलचित्रमा काम गरिसकेका छन् । तर सबै दर्शकले टाइगर भन्ने बित्तिकै चलचित्र बागी लाई सम्झिन्छन् । बागी टाइगरले खेलेमध्ये दर्शकले सबैभन्दा धेरै रुचाएको चलचित्र हो । यसमा उनको जोडि श्रद्धा कपुरसँग बाधिएको थियो । त्यस्तै बागी सफल भएपछि बागी २ पनि रिलिज भयो । बागी २ लाई पनि दर्शकले निकै रुचाए । बागी २ मा उनको जोडि दिशा पटानीसँग बाधिएको थियो ।

आफ्नो डान्सले दर्शकमाझ लोकप्रिय बनेका टाइगरलाई बागी हेरेपछि दर्शकले एक्सनमा पनि अव्वल मानिसकेका छन् । अब उनको बागी ३ पनि आउने भएको छ । चलचित्र निर्माण नहुँदै यसमा निर्माताले चलचित्रको प्रदर्शन मिति भने तय गरिसकेका छन् । टाइगरको बागी ३ २०२० मार्च ६ मा प्रदर्शनमा आउने भएको छ ।

प्राप्त जानकारी अनुसार बागी ३ मा उनी साराअली खानसँग देखिने भएका छन् । तर साराले भने यस विषयमा केहिपनि बोलेकी छैनन् । चलचित्रका निर्माताले बागी ३ लाई अन्य दुई सिरिजभन्दा अझै राम्रो बनाउने बताएका छन् । हाल टाइगर चलचित्र बागी ३ का लागि तयारी गर्दैछन् ।