बैशाख १३ मा आउने भयो प्रियंका र आयुष्मानको ‘प्रेम दिवस’

०४ पुष २०७५, काठमाडौँ

प्रियंका कार्की र आयुष्मान देशराज जोशी नेपाली चलचित्र क्षेत्रमा चिन्न मुश्किल जोडि होइन । यी दुईको प्रेमबारे सायद अब अनविज्ञ कोहिपनि छैनन् होला । चलचित्र ‘कथा काठमाण्डु’ र ‘चङ्गा चेट’ मा एकसाथ काम गरिसकेका रियल लाइफ जोडि आयुष्मान र प्रियंका यतिबेला चलचित्र ‘प्रेम दिवस’ मा व्यस्त छन् ।

करिब २ बर्ष अगाडि रिलिज भएको चलचित्र ‘राधा’ को सिक्वेल को रुपमा चलचित्र ‘प्रेम दिवस’ बनेको चलचित्रका निर्माताले बताएका छन् । चलचित्र ‘प्रेम दिवस’ मा प्रियंका र आयुष्मान प्रेमी प्रेमिकाको भूमिकामा देखिएका छन् । चलचित्र ‘प्रेम दिवस’ ले आफ्नो प्रदर्शन मिति घोषणा गरेको छ ।

चलचित्र ‘प्रेम दिवस’ नव बर्ष २०७६ सालको बैशाख १३ बाट देशव्यापी रुपमा प्रदर्शनमा आउने भएको छ । तर सोहि मितिमा मह जोडिद्धारा निर्मित चलचित्र ‘दाल, भात, तरकारी’ पनि आउने सम्भावना देखिएको छ । यदि त्यसो हुन गएमा दुवै चलचित्रलाई घाटा पर्ने देखिन्छ । यस विषयमा चलचित्र ‘प्रेम दिवस’ का निर्देशक योगेश घिमिरे आफूलाई चलचित्र जुध्ने बारे केहि थाहा नभएको तर आफ्नो चलचित्र बैशाख १३ मा आउने पक्का भएको बताउँछन् ।