‘बाहुबली’ स्टार प्रभासको बहुप्रतिक्षित चलचित्र ‘साहो’ को रिलिज डेट घोषणा

०४ पुष २०७५, काठमाडौँ

प्रभास साउथ इन्डियन चलचित्रका निकै लोकप्रिय अभिनेता हुन् । प्रभास भन्ने बित्तिकै सबैले बाहुबली स्टार भनेर चिन्ने गर्छन् । बाहुबली लाई वल्र्ड वाइड रुपमा दर्शकले निकै माया दिएपछि प्रभासको पनि हाइप चुलिएको हो । प्रभास बाहुबली र बाहुबली २ जस्ता बल्कबस्टर चलचित्र बलिउडमा दिएपछि उनको डिमाण्ड पनि निकै हाइ हुन थालेको छ ।

प्रभासले खेलेको बहुप्रतिक्षित हिन्दी चलचित्र साहो ले आफ्नो प्रदर्शन मिति घोषणा गरेको छ । चलचित्र साहो २०१९ अगस्ट १५ मा प्रदर्शनमा आउने भएको छ । चलचित्र साहो मा प्रभासको जोडि बलिउडकी चर्चित अभिनेत्री श्रद्धा कपुरसँग बाधिएको छ ।

चलचित्र साहो को कारणले बलिउडका नाम चलेका दुई अभिनेता अक्षय कुमार र जोनलाई पनि असर पर्ने देखिएको छ । किनकी यी दुई अभिनेताको चलचित्र पनि सोहि मितिमा प्रदर्शनमा आउने तयारीमा रहेका छन् । चलचित्र साहो ले प्रभासको चर्चा अझै चुलिने देखिन्छ ।