चलचित्र ‘गोपी’ को ट्रेलर सार्वजनिक

०४ पुष २०७५, काठमाडौँ

विपिन कार्की अहिलेका सर्वाधिक चर्चित र डिमाण्डेड अभिनेता हुन् । उनको मुख्य भूमिका रहेको चलचित्र प्रसाद यतिबेला हलहरुमा भव्यताका साथ प्रदर्शन भैरहेको छ । केहिदिन अघिमात्र विपिनद्धारा अभिनीत चलचित्र गोपी को फस्टलुक सार्वजनिक गरिएको थियो । जसले निकै चर्चा बटुल्न सफल भएको थियो ।

भर्खरै मात्र चलचित्र गोपी को अफिसियल ट्रेलर सार्वजनिक गरिएको छ । चलचित्र गोपी मा विपिन निकै फरक भूमिकामा देखिएका छन् । सार्वजनिक गरिएको ट्रेलरमा उनी गाई पालकको रुपमा देखिएका छन् । चलचित्र गोपी का मुख्य पात्र विपिन नै हुन् । विपिनका साथ चलचित्रमा बर्षा राउत र सुरक्षा पन्तको पनि मुख्य भूमिका रहेको छ । चलचित्र गोपी माघ १८ बाट देशव्यापी रुपमा प्रदर्शनमा आउने भएको छ ।