इङ्लिस लिग : टोटनहम र चेल्सी कपको सेमिफाइनलमा

०५ पौष २०७५, काठमाडौं

लण्डन क्लबद्वय टोटनहम हट्सपर र चेल्सी इङ्लिस लिग कपको सेमिफाइनलमा प्रवेश गरेका छन् । टोटनहमले लण्डनकै अर्को क्लब आर्सनललाई २–० ले र चेल्सीले बर्नमाउथलाई १–० ले हरायो ।

अब फाइनल प्रवेशका लागि टोटनहम र चेल्सीबीच भिडन्त हुनेछ । अर्को सेमिफाइनल खेल म्यानचेष्टर सिटी र ब्रुटन अल्विओनबीच हुनेछ ।
आर्सनलको घरेलु मैदानमा भएको खेलमा टोटनहमले दुवै हाफमा एक(एक गोल गर्यो । २०औँ मिनेटमा डेली अलीको पासमा हेउन मिन सनले गोल गर्दै टोटनहमलाई अग्रता दिलाएका थिए ।

५९औँ मिनेटमा अलीले ह्यारी केनको पासमा टोटनहमका लागि दोस्रो गोल गरे । उता एडेन हाजार्डको खेल सकिन ६ मिनेट अघि एक मात्र निर्णायक गोल मद्दतमा चेल्सीले जित हात पार्यो । घरेलु मैदान स्टानफोर्ड ब्रिजमा एमरसनको पासमा हाजार्डले ८४औँ मिनेटमा गोल गरेका थिए ।