सलमानका भाई सोहेल ६० करोडका मालिक

०५ पुष २०७५, काठमाडौँ

सोहेल खान बलिउडमा परिचित नाम हो । अझ उनको नाम उनका दाई बलिउडका सुपरस्टार सलमान खानसँग जोडिने गर्छन् । बलिउडमा यी खान ब्रदर्सको सम्बन्धले निकै चर्चा पाउने गरेको छ ।

सोहेल खान बलिउडका अभिनेता, निर्माता र निर्देशक पनि हुन् । उनले प्यार किया त डरना क्या चलचित्र निर्देशन गर्दै बलिउडमा इन्ट्रि गरेका थिए । जुन चलचित्रले बलिउडमा निकै धमाका मच्चाएको छ ।

आज तिनै साहेल खानको जन्मदिन रहेको छ । आजबाट सोहेल ४९ बर्षमा प्रवेश गरेका छन् । सोहेलले केहिसमय अघि एक नयाँ घर किनेका थिए । जहाँ उनले आफ्नो छोराको जन्मदिन पनि मनाइदिएका थिए । सोहेल पनि निकै धनी कलाकार हुन् । २०१७ को तथ्याङ्क अनुसार उनको जम्मा सम्पत्ति ६० करोड रहेको छ । उनी अहिले आफ्नो विजनेसमा व्यस्त छन् । आज उनको जन्मदिन भएका कारण उनका फ्यानहरुले निकै म्यासेज पठाएका छन् ।