०५ पुष २०७५, काठमाडौँ
विपिन कार्की नेपाली सिने जगत्का अव्वल अभिनेता हुन् । उनले जस्तोसुकै भूमिका पनि निभाउन सक्ने कलाकारको रुपमा आफूलाई स्थापित गरिसकेका छन् । केहिसमय अघि चलचित्र जात्रै जात्रा को छायांकनको क्रममा विपिनको बाइक दुर्घटनामा परेको थियो । सोहि दुर्घटनामा विपिनको खुट्टा भाचिएपछि डाक्टरको सल्लाह अनुसार उनले केहिदिन सुटिङ नै रोकेका थिए ।
हिजोमात्र विपिनको मुख्य भूमिका रहेको चलचित्र गोपी को ट्रेलर सार्वजनिक भएको छ । केहिसमय अघि चलचित्रको एक गीत र फस्टलुक सार्वजनिक गरिएको थियो । चलचित्रको ट्रेलर रिलिज कार्यक्रममा विपिन बैसाखीका साथ उपस्थित भएका थिए । उनको खुट्टा अझै राम्रोसँग ठिक नभएकाले उनी बैसाखीको सहाराले हिडडुल गर्ने गर्छन् ।
चलचित्र गोपी मा विपिनसँगै सुरक्षा पन्त र बर्षा राउतको पनि मुख्य भूमिका रहेको छ । चलचित्रलाई दिपेन्द्र लामाले निर्देशन गरेका हुन् । चलचित्र गोपी माघ १८ बाट देशव्यापी रुपमा प्रदर्शनमा आउने भएको छ ।
