०५ पुष २०७५, काठमाडौँ
चलचित्रमा निरन्तर काम गरिरहँदा पनि दर्शकको मन नजितेकी नायिकामा बर्षाको नाम पनि आउँछ । उनी चलचित्रमा आफ्नो छवि बनाउन कडा मेहेनत गरिरहेकी छिन् । तर धेरै चलचित्रमा काम गरिसक्दा पनि उनी अव्वल अभिनेत्री बन्न सकेकी छैनन् । तर उनको हातमा चलचित्रको भने खाचोँ छैन ।
अहिले भने नायिका बर्षा सिवाकोटी ठूलो ब्यानरको चलचित्र विर विक्रम २ मा व्यस्त छिन् । करिब २ बर्ष अगाडि रिलिज भएको चलचित्र विर विक्रम को सिक्वेलमा चलचित्र विर विक्रम २ लाई मिलन चाम्सले निर्देशन गरिरहेका छन् । चलचित्रमा बर्षा सिवाकोटी, पल शाह र नाजिर हुसेनको मुख्य भूमिका रहेको छ ।
केहिदिन अगाडि मात्र चलचित्र टिमले चलचित्रका केहि तस्बिरहरु सार्वजनिक गरेको थियो । जहाँ बर्षाले नाजिर र पलसँग रोमान्स गरेकी थिइन् । त्यसमध्येकै केहि तस्बिर बर्षाले आफ्नो फेसबुकमा पनि अपलोड गरेकी छिन् । जहाँ उनले थकाली ड्रेस लगाएकी छिन् । आफ्नो सुन्दरताका कारण सधैँ चर्चा पाउने बर्षा थकाली ड्रेसमा निकै राम्री देखिएकी छिन् ।
