भोली हुँदैछ ‘नेपाल आइडल सिजन २’ को ग्राण्ड फिनाले, कसले मार्ला बाजी ?

०५ पुष २०७५, काठमाडौँ

नेपाल आइडल सिजन २ नेपालको सबैभन्दा ठूलो र चर्चित गायन रियालिटि  शो हो । पहिलो सिजनलाई दर्शकले अत्यन्तै रुचाएपछि यसको दोस्रो सिजन पनि सुरु गरिएको हो । तर अब नेपाल आइडल सिजन २ पनि  सकिदैँछ ।

नेपाल आइडल सिजन २ को ग्राण्ड फिनाले यहि पुष ६ गते अर्थात् भोलि ललितपुरको पुलचोक क्याम्पसमा सम्पन्न हुदैछ । यतिबेला पुलचोक क्याम्पसमा फिनालेको तयारी भैरहेको छ ।

यसपटक नेपाल आइडल सिजन २ को  फिनालेमा ४ प्रतिस्पर्धी पुग्न सफल भएका छन् । फिनालेमा पोखरामा विक्रम बराल, झापाका सुमित पाठक र अस्मिता  अधिकारी र धनगढीका रवि ओड पुग्न सफल भएका छन् । दर्शकले जसलाई सबैभन्दा बढी भोट गर्छन् त्यहि नै नेपालको दोस्रो नेपाल आइडल बन्नेछ ।  यतिबेला सबै दर्शकमा नेपाल आइडल सिजन २ को बिजेता को  हुन्छ होला भनेर निकै उत्सुकता भैरहेको छ । पहिलो नेपाल आइडल पोखराका बुद्ध लामा बनेका थिए । यसपटक बाजी कसले मार्ने हो त्यो भने भोलि नै थाहा हुनेछ ।