०६ पौष २०७५, काठमाडौं
नेपाली युवा स्पेनर सन्दीप लामिछानेले आज अस्ट्रेलियाको चर्चित टी–२० लिग बिग बास लिगमा डेभ्यु गर्दै छन् । इन्डियन प्रिमियर लिगबाट फ़्रेञ्चाइजी टी–२० लिग खेल्न सुरु गरेका सन्दीपले यसबीचमा थुप्रै लिगमा खेलेर अनुभाव बटुली सकेका छन् ।
सन्दीपले शुक्रबार क्यान्बेरामा हुने बिग बास लिगको खेलमा सिड्नी थन्डर्सविरुद्ध मेलबर्न स्टार्सबाट डेब्यु गर्न लागेका हुन् । सन्दीप खेल्ने मेल्वर्न स्टार्सको कप्तान बहने उनीसंगै आइपिएल खेलेका ग्लेन म्याक्सवेल बनेका छन् ।
बिग बासको अघिल्लो सिजनमा १३.८३ को औसतमा १८ विकेट लिएका एडिलेड स्ट्राइकर्सका सुपरस्टार रशिद खानजस्तै सन्दीपको उपस्थिति पनि बिग बास लिगका लागि महत्वपूर्ण हुने म्याक्सवेलले बताए ।
सिड्नी थन्डर्सविरुद्धको आज हुने खेल नेपाली समय अनुसार अपराह्न सवा दुई बजे हुने छ।
