ब्रेकअपको पिडा बिर्सदैँ नेहा

०६ पुष २०७५, काठमाडौँ

नेहा कक्कड बलिउडकी निकै चर्चित गायिका हुन् । उनले धेरै सफल गीतहरु  गाइसकेकी छिन् । जस्तो पनि गीत गाउन सक्ने नेहा गायिका मात्र नभएर रियालिटि शोे की जर्ज पनि हुन् । उनी केहिसमय अघि भारतको चर्चित रियालिटि शो सा रे ग म पा लिटल च्याम्प मा जर्ज बनेकी थिइन् । यतिबेला नेहा सामाजिक सञ्जालमा आफ्नो ब्रेकअपका कारण चर्चित बनेकी छिन् ।

बलिउड कलाकार हिमांश कोहलीसँग प्रेमसम्बन्ध रहेकी नेहाको केहिसमय अघि ब्रेकअप भएको थियो । लामो समयदेखि प्रेमसम्बन्धमा रहेका नेहा र हिमांशको ब्रेकअप हुँदा नेहाका फ्यानहरु निकै दुखी भएका थिए । नेहा पनि केहिदिन त दुखी भइन् तर अहिले उनी फेरि आफ्नो जीन्दगीतमा अघि बढिसकेकी छिन् ।

नेहाले आफ्नो ब्रेकअपको कुरा इन्डियन आइडलमा खुलाएकी थिइन् । त्यतिमात्र नभएर नेहाले हिमांश र उनको सबै फोटो र भिडियोहरु पनि सामाजिक सञ्जालबाट हटाइसकेकी छिन् । नेहाले अहिले आफू त्यहि कुरा सम्झेर नबसेको बताएकी छिन् । उनले आफू खुसी भएको अब त्यो कुरालाई नसम्झने पनि खुलाइन् ।