०७ पौष २०७५, काठमाडौं
प्रिमियर लिग अन्तर्गत गएराती भएको खेलमा शीर्ष स्थानको लिभरपुलले वल्भसलाई २–० ले पराजित गरेको छ ।
जितपछि लिभरपुलले दोस्रो स्थानको म्यानचेष्टर सिटीमाथि ४ अंकको अग्रता बनाएको छ । यस सिजन अपराजित रहने एक्लो टोली लिभरपुलले १८ खेलबाट ४८ अंक जोडेको छ। एक खेल कम खेलेको सिटीको ४४ अंक छ ।
वल्भ्सको मैदानमा भएको खेलमा लिभरपुलका लागि मोहम्मद सलाह र भर्जिल भान डाइकले गोल गरे । यस जितपछि लिभरपुल क्रिस्मसमा अंकतालिकाको शीर्ष स्थानमै रहने पक्का भएको छ ।
