चलचित्र ‘रणवीर’ को ‘तिरिमिरी तिरिमिरी तिन तारा’ बोलको गीत रिलिज

०८ पुष २०७५, काठमाडौँ

केहिदिन अगाडि चलचित्र रणवीर को टिजर सार्वजनिक गरिएको थियो । चलचित्र होस्टेल रिटन्र्स बाट नेपाली चलचित्र जगत्मा आएका सुशिल सिटौलालाई पटक एक्सन अवतारमा उक्त चलचित्रमा देखिएका छन् । भर्खरै मात्र चलचित्र रणवीरको एक गीत पनि सार्वजनिक गरिएको छ ।

राजनराज सिवाकोटीको शब्द र संगीत रहेको तिरिमिरी तिरिमिरी तिन तारा बोलको गीतमा राजनराज सिवाकोटी र अञ्जु पन्तको आवाज रहेको छ । उक्त गीतमा चलचित्रका मुख्य कलाकार सुशिल सिटौला, सुवेक्षा खड्का र सुपुष्पा खड्कालाई फिचरिङ गराइएको छ । उक्त लोक शैलीको गीतलाई रामजी लामिछानेले निकै राम्रोसँग कोरियोग्राफी गरेका छन् ।