शहीद स्मारक ए डिभिजन लिग : एपीएफको जित

०८ पौष २०७५, काठमाडौं

शहीद स्मारक ए डिभिजन लिगमा आज भएको खेलमा एपीएफले जित निकालेको छ । सातदोबाटोस्थित एन्फा टेक्निकल सेन्टरमा भएको खेलमा एपीएफले त्रिभुवन आर्मी क्लबलाई ३–२ ले पराजित गरेको हो ।

खेलको पहिलो हाफमा गोलरहित बराबरी खेलेका टोलीद्वयले खेलको दोस्रो हाफमा मात्रै नतिजा फेरबदल गरेका थिए । एपीएफका लागि खेलको ५२ औं मिनेटमा आशिषले सुरुवाती गोल गरे । यससँगैं एपीएफले ३ तथा आर्मीले २ गोलको नतिजा बाहिर्याउन सकेका हुन् ।

जितसंगै एपीएफले अंक तालिकामा छलाङ मारेको छ । एपीएफले १० खेलबाट १६ अंक जोड्दै तालिकाको पाँचौ स्थानमा उक्लिएको छ ।
आर्मी १८ अंक सहित चौथो स्थानमा यथावत छ ।