‘ऐश्वर्य २’ पनि बन्दै

०८ पुष २०७५,काठमाडौँ

रमेश उप्रेती नेपालका निकै नाम चलेका कलाकार हुन् । उनी लामो समयदेखि नेपाली चलचित्र क्षेत्रमा संलग्न छन् । तर उनी बीचमा अमेरिका भासिएपछि केहिसमय नेपाली चलचित्र क्षेत्रबाट टाढिएका थिए । उनी पछिल्लो समयमा चलचित्र एश्वर्या बाट चलचित्रमा कमब्याक भएका हुन् ।

चलचित्र एश्वर्या बक्सअफिसमा सफल साबित भयो । अझ चलचित्रको तिमी रोएको पल बोलको गीतले सर्वाधिक चर्चा पाएको थियो । केहिदिन अगाडि मात्र नायिका जल शाहको आमाको स्मृति समारोहमा रमेश उप्रेती पनि उपस्थित भएका थिए । उनले त्यसै समारोहमा चलचित्र एश्वर्या को सिक्वेल पनि बनाउने बताए ।

उनले एश्वर्या २ को लागि राम्रो कथा नभेटेर तत्काल चलचित्र एश्वर्या २बनाउने योजना नभएको तर केहिसमय पछि भने आफूले एश्वर्या को सिक्वेल बनाउने बताए । तर चलचित्रमा उहि कलाकार दोहोरिन्छन् या दोहोरिदैँनन्, त्यो हेर्न भने केहि समय पर्खनै पर्छ ।