०८ पुस २०७५, इटहरी
भगिवन्त रंगशालामा जारी तेस्रो पांमा कप पुरुष फुटबल प्रतियोगिताको फाइनल खेल आइतबार हुँदैछ । शनिबार भएको सेमिफाइनल खेलमा पांमा सामुदायिक सेवा क्लव ए ले चिसोपानी गुम्बालाई १ का विरुद्ध ४ गोल गर्दे पांमा सामुदायिक क्लव ए फाइनलमा प्रबेश गरेको छ । त्यस्तै अर्को खेलमा तुम्लिङटार स्पोर्टिङ क्लवले संखुवासभा यूनाइटेड क्लवलाई ४ का विरुद्ध ५ गोल गर्दै तुम्लिङटार फाइनलमा प्रबेश गरेको छ । निर्धारित समयमा १–१ गोलको बराबरी खेले पछि ट्राइबेकरबाट खेलको निर्णय भएको थियो ।
आजको फाइनल खेल दिउँसो १२ बजे हुने आयोजकले जनाएको छ । पुस ४ गतेबाट सुरु भएको प्रतियोगितामा संखुवासभाका उत्कृष्ट १६ क्लवले सहभागीता जनाएका थिए । पांमा सामुदायिक सेवा केन्द्रले आयोजना गरेको प्रतियोगिताको विजेताले १ लाख १३ हजार नगद, कप, मेडल र प्रमाण पत्र प्राप्त गर्नेछ । त्यस्तै, उपविजेता टिमले पनि नगद ५५ हजार सहित टफी, मेडल र प्रमाणपत्र प्राप्त गर्नेछ ।
सेमिफाईनलमा प्रवेश गर्ने दुवै टिमले १५/१५ हजार रुपैयाँ प्राप्त गर्नेछन् । त्यस्तै, उत्कृष्ठ खेलाडीले ५ हजार रुपैयाँ नगद, उत्कृष्ठ गोल रक्षक र सर्वाधिक गोलकर्ताले जनही ३/३ हजार नगद र ट्रफी प्राप्त गर्नेछन् ।
