निखिल उप्रेतीको बहुप्रतिक्षित चलचित्र ‘भिलेन’ को ट्रेलर रिलिज

०९ पुष २०७५, काठमाडौँ

निखिल उप्रेती नेपाली चलचित्र जगत्का निकै चर्चित अभिनेता हुन् । अझ उनी आफ्नो एक्सनका कारण चर्चा छन् । पहिले पहिले निखिलको नामले मात्र चलचित्र सफल हुने गर्थे । पछिल्लो समयमा सञ्चिता लुईटेलसँग विवाह गरेपछि निखिल चलचित्रमा त्यति सक्रिय थिएनन् । तर अहिले फेरि उनी चलचित्र क्षेत्रमा छाउन थालेका छन् । भर्खरै मात्र उनको चलचित्र भिलेन को ट्रेलर सार्वजनिक भएको छ ।

देवेन्द्र पाण्डेको निर्देशनमा बनेको चलचित्रमा कपिल खत्री र बाल बहादुर श्रेष्ठको लगानी रहेको छ । चलचित्रमा निखिल उप्रेती, शिल्पा पोखरेल, निशा अधिकारी र कपिल खत्री लगायतका कलाकारको अभिनय रहेको छ । चलचित्र भिलेनको कथा मौनता श्रेष्ठले लेखेकी हुन् । चलचित्र भिलेन यहि पुष २७ बाट देशव्यापी रुपमा प्रदर्शनमा आउने भएको छ ।