म स्टारडम र पैसाका लागि काम गर्दिन : शाहरुख खान

०९ पुष २०७५, काठमाडौँ

बलिउडमा  किङ्ग खानको नामले परिचित नायक शाहरुख खानको चलचित्र जिरो यतिबेला देशभर प्रदर्शन भैरहेको छ । लगातार असफल चलचित्र दिएका शाहरुखले यो चलचित्रबाट निकै आशा राखेका थिए । तर विडम्बना यसपटक पनि शाहरुख निराश हुनु परेको छ । चलचित्र जिरो रिलिज भएको ३ दिन बितिसक्दा पनि आशातित कमाई गर्न सकिरहेको छैन । त्यसैगरी चलचित्र जिरो लाई दर्शकले खासै रुचाएको पनि पाइएको छैन ।

शाहरुखलाई यतिबेला लगातार असफल चलचित्रमा काम गरेपछि पैसा र स्टारडमको लागि मात्र काम गरेको त हैन भनेर प्रश्न गर्न थालेका छन् । तर शाहरुखले एक म्यागजिनमा लिइएको अन्तवार्तामा यो कुराको खण्डन गरेका छन् । उनले आफ्नो लागि सबैभन्दा ठूलो काम भएको बताएका छन् । शाहरुख म जे गर्छु आफ्नो खुसीको लागि गर्छु । मैले पैसा र स्टारडमको लागि काम गरेको होइन भन्छन् ।

जिरो को विषयमा पनि शाहरुखले आफूलाई चलचित्रको कथावस्तु र आफ्नो भूमिका मन परेकाले चलचित्र गर्न राजी भएको बताएका छन् । त्यतिमात्र नभएर शाहरुखले आफूले चलचित्र जिरो मा होचो बन्नको लागि निकै मेहेनत गरेको पनि बताएका छन् ।