१० पौष २०७५, काठमाडौं
बिग ब्याश लिगको दोस्रो खेलमा पनि सन्दीपको प्रभाव कायमै रहे पनि जित्न सकेन । मेलबर्न स्टार्सबाट लिग खेलिरहेका उनले सोमबार होबर्ट हुरिकेन्सको तीन विकेट लिएका हुन् ।
चार ओभर बलिङ गरेका उनले २४ रन खर्चिएका छन् । सन्दीपले बिग ब्याश लिगको डेब्यू खेलमा उनले सिड्नी थन्डर्सको दुई विकेट लिएका थिए । सन्दीपले लगातार राम्रो प्रदर्शन गरेपछि उनको टिम मेलबर्न स्टार्सले भने दुबै खेल हारेको छ ।
सोमबार होबर्ट हुरिकेन्ससँग ६ विकेटले पराजित भयो । मेलबर्नले दिएको १ सय ५६ रनको लक्ष्य उसले ८ बल बाँकी छँदा ४ विकेट गुमाएर भेट्टायो ।
पहिलो खेलमा पनि मेलबर्न, सिड्नी थन्डर्ससँग १५ रनले पराजित भएको थियो ।
