चलचित्र ‘आप्पा’ को गीतमा यस्ता देखिए दयाहाङ राई

१० पुष २०७५, काठमाडौँ

दयाहाङ राई नेपालका निकै नाम चलेका अभिनेता हुन् । पछिल्लो समयमा नेपाली चलचित्र क्षेत्रमा उनको माग बढ्दो छ । उनी एकपछि अर्को चलचित्रमा निकै व्यस्त हुन थालेका छन् । केहिदिन अघिमात्र उनी नयाँ भूमिकामा देखिएको चलचित्र आप्पा को फस्टलुक सार्वजनिक भएको थियो । जसले धेरै चर्चा पनि कमाएकोे थियो । भर्खरै मात्र चलचित्र आप्पा को पहिलो गीत पनि सार्वजनिक भएको छ ।

उमेश उपामा को शब्द र अनमोल गुरुङको संगीत रहेको हावा सरर बोलको गीतमा तुप्देन भुटिया र स्नेहा श्री थापाको आवाज रहेको छ । उक्त गीतमा चलचित्रका मुख्य कलाकार दयाहाङ राईलाई फिचरिङ गराइएको छ । उक्त गीतलाई अनमोल गुरुङले निर्देशन गरेका हुन् । चलचित्र आप्पा २०७६ सालको जेठ २४ बाट प्रदर्शनमा आउने भएको छ ।