१० पौष २०७५, काठमाडौं
शहीद स्मारक ए डिभिजन लिगको ११ औं चरणको खेल भोली (बुधबार) बाट सुरु हुने भएको छ । जसमा बुधबार ३ खेलहरु हुने बताईएको छ ।
एन्फाले सार्वजनिक गरेको खेलतालिका अनुसार खेलहरु टेक्निकल सेन्टरमा २ तथा एपीएफ मैदानमा १ खेल हुने जनाईएको छ । पहिलो खेल विहान ११ तथा दोस्रो खेल २ः३० मा हुने छ ।
विहान ११ बजे एन्फा टेक्निकल सेन्टरमा हुने खेलमा बिग्रेड ब्वाईज र हिमालयन शेर्पा क्लबबीच प्रतिस्पर्धा हुने छ । त्यस्तै विहानै हुने खेलमा एपीएफ र च्यासलबीच खेल हुने छ ।
त्यसैगरि दिउँसो हुने खेलमा जावलाखेल र मछिन्द्र क्लब आमने सामने हुने बताईएको छ । खेलमा सतप्रतिशत जित निकालेको टोली मनाङ मर्स्याङ्दी ३० अंकसहित निडर रुपमा छ ।
