११ पौष २०७५, काठमाडौं
शहीद स्मारक ए डिभिजन लिगअन्तर्गत आज भएको खेलमा हिमालयन शेर्पा क्लबले जित निकालेको छ ।
सातदोबाटोस्थित एन्फा टेक्निकल सेन्टरमा भएको खेलमा शेर्पाले बिग्रेड ब्वाईजलाई ४–१ ले हराएको हो । खेलको पहिलो हाफमा गोलरहित बराबरी खेले पनि दोस्रो हाफमा भने खेलको ९ मिनेट नबित्दै शेर्पाले २ गोल हानेको थियो ।
खेलको ८० औं मिनेटसम्ममा शेर्पाले ४ गोलको अग्रता लिएको थियो । त्यसैगरि खेलको ८७ औं मिनेटमा बदलमा बिग्रेडले मुस्किलले १ गोल फर्काउन सक्यो ।
