११ पुष २०७५, काठमाडौँ
भद्रगोल निकै छोटो समयमा दर्शकको मन जित्न सफल हाँस्य टेलिसिरियल हो । यो हाँस्य टेलिसिरियललाई दर्शकले निकै नै मन पराउने गरेका छन् । अब भद्रगोल टिमले चलचित्र पनि निर्माण गर्ने भएको छ । भद्रगोल टिमले चलचित्रमा सँगै सहकार्य गर्नका लागि छक्का पञ्जा युनिटलाई अफर गरेको छ ।
प्राप्त जानकारी अनुसार दिपक दिपा र भद्रगोल युनिट मिलेर २०७६ सालमा नयाँ चलचित्र ल्याउँदैछन् । दिपक दिपाले नयाँ बर्षमा अर्को एक नयाँ टिमसँग पनि टिमवर्क गर्दैछन् । त्यसपछि मात्र उनीहरुले आफ्नो समय भद्रगोल टिमलाई दिने बताएका छन् ।
दिपकले भद्रगोल टिमसँग चलचित्र गर्ने कुरामा अहिले छलफल भैरहेको तर आफूहरु चलचित्र गर्न राजी भएको बताएका छन् । चलचित्रमा भद्रगोल र छक्का पञ्जाका कलाकारहरु आबद्ध हुने भएका छन् । अब दुई कमेडी जनराका कलाकारहरुले मिलेर बनाएको चलचित्र कस्तो हुनेछ त्यो हेर्न भने केहिसमय पर्खनै पर्छ ।
