चलचित्र ‘हजार जुनी सम्म’ का लागि आफूलाई यस्तो बनाए आर्यनले

११ पुष २०७५, काठमाडौँ

आर्यन सिग्देल कुनै समयका नेपाली चलचित्र क्षेत्रका निकै चलेका नायक थिए । महंगो पारिश्रमिक र अव्वल अभिनयका कारण उनी चर्चामा आइरहन्थे । तर आजभोली नयाँ नायकको आगमनसँगै नेपाली चलचित्र बजारमा आर्यनको चर्चा पहिले जति छैन । उनी आजभोली कमैमात्र चलचित्रमा देखिने गर्छन् ।

यतिबेला नायक आर्यन सिग्देल विकास आचार्यको चलचित्र हजार जुनी सम्म मा व्यस्त छन् । उनी महंगो पारिश्रमिकका साथ यो चलचित्रमा अनुबन्धित भएका हुन् । चलचित्रमा आर्यनलाई फरक गेटअपमा देख्न सकिन्छ । चलचित्रका लागि आर्यनले आफूलाई निकै बदलेका छन् ।

विकासले केहिसमय अघि आर्यनको नयाँ लुक्स एकैचोटी फस्टलुकमा मात्र देखाउने बताएका थिए । तर विकासको कुरा असत्य साबित भएको छ । चलचित्रमा भएको आर्यनको लुक्स सामाजिक सञ्जालमा बाहिरिएको छ । आर्यनलाई दर्शकले चलचित्रमा एक पागल प्रेमीको रुपमा देख्न पाउने भएका छन् । जुन कुरा आर्यनको फेरिएको गेटअपबाट नै थाहा हुन्छ ।