१२ पुष २०७५, काठमाडौँ
सलमान खान बलिउडका निकै चर्चित अभिनेता हुन् । उनी बलिउडमा आएको धेरै बर्ष बितिसकेको छ । तर आज पनि उनी उहि जोस र जागरका साथ काम गर्छन् । सलमान निकै धेरै फ्यान फलोइङ भएका अभिनेता पनि हुन् । उनले बलिउडमा धेरै सफल चलचित्रहरु दिएका छन् । आज उनै सलमान खानको जन्मदिन रहेको छ ।
आज अर्थात् डिसेम्बर २७ मा सलमान आफ्नो ५३ औँ जन्मदिन मनाउँदै छन् । सलमानले आफ्नो बर्थ डे को अवसरमा हिजोराति आफ्नो घरमा भव्य पार्टि पनि दिएका छन् । उनको बर्थडे पार्टिमा बलिउडमा चर्चित अनिल कपुर, कट्रिना कैफ, सोनाक्षी सिन्हा लगायतका कलाकार उपस्थित भएका थिए । सलमानले आफ्ना साथीभाईका साथ निकै नै रमाईलोसँग बर्थडे पार्टि मनाएका छन् ।
आज उनको जन्मदिन भएकाले उनलाई उनका फ्यानहरुले बर्थडे विस गरिरहेका छन् । सलमान आफ्नो फ्यानहरुबाट आएको माया देखेर निकै नै खुसी भएका छन् । हाम्रो तर्फबाट पनि सलमानलाई जन्मदिनको धेरै धेरै शुभकामना ।
