चलचित्र गोपी ले राख्यो कविता प्रतियोगिता, विजेताले पाउनेछ नगद रु. २० हजार

१२ पुष २०७५, काठमाडौँ

केहिदिन अगाडी मात्र नायक विपिन कार्की र नायिका बर्षा राउतको मुख्य भूमिका रहेका चलचित्र गोपी को अफिसियल ट्रेलर सार्वजनिक गरिएको थियो । जुन अहिले युट्युबमा निकै हिट भइरहेको छ । आजभोली चलचित्रको प्रचारप्रसार गर्न निर्माता निर्देशकले नयाँ नयाँ उपाय अपनाउन थालेको छ । त्यस्तै चलचित्र गोपी टिमले पनि चलचित्रको प्रचार प्रसारको लागि नयाँ कन्सेप्ट निकालेको छ ।

चलचित्रको गोपी हेरेका दर्शकको लागि कविता लेखन प्रतियोगिता हुने भएको छ । ट्रेलर हेरेर चलचित्रले देखाउन खोजेको विषयवस्तुमा आधारित भएर कविता लेख्नेलाई नगद पुरस्कारको पनि व्यवस्था गरिएको छ । प्रथम हुनेले नगद रु. ३०००० दोस्रो हुनेले २०००० र तेस्रो हुनेले १०००० पाउनेछन् । त्यतिमात्र नभएर सान्त्वना पुरस्कार पाउन सफल ७ जनाले रु. ५००० पाउने भएका छन् ।

कविताको नतिजा माघ ७ गते प्रकाशित गरिने भएको छ । चलचित्र गोपी मा विपिन कार्की, बर्षा राउत, सुरक्षा पन्त लगायतका कलाकारको मुख्य भूमिका रहेको छ । चलचित्र गोपी यहि माघ १७ बाट देशव्यापी रुपमा प्रदर्शनमा आउने भएको छ ।