चर्चित लोकदोहोरी गीत ‘सालको पातको टपरी’ ले काट्यो करोड भ्यूज पाएको खुसियालीमा केक

१२ पुष २०७५, काठमाडौँ

आजभोलीको जेनेरेशनलाई हेर्ने हो भने कमैले मात्र लोकदोहोरी गीतहरु सुन्ने गर्छन् । लोक गीतहरु हराउदैँ जादाँ कमैले मात्र सफलता पाउने गरेका छन् । चर्चित लोकदाहोरी गीतमध्ये पर्छ अहिलेको सर्वाधिक हिट लोकदोहोरी गीत ‘सालको पातको टपरी’…….

नवराज पन्तको शब्द र वसन्त थापाको संगीत रहेको उक्त गीतमा विष्णु माझी र कुलेन्द्र विश्वकर्माको आवाज रहेको छ । उक्त गीतमा कुलेन्द्र विश्वकर्मा, वसन्त थापा र मरिष्का पोखरेललाई फिचरिङ गराइएको छ । उक्त गीतलाई शिव वि.क ले कोरियोग्राफी गरेका हुन् । उक्त गीतले युट्युबमा सर्वाधिक सफलता पाएको छ ।

थोरै समयमा नै उक्त गीतले दर्शकको मन जित्न सफल भएको छ । त्यतिमात्र नभएर नेपालमा लोकदोहोरी गीतमध्ये १ करोडभन्दा बढी भ्यूज पाउने दोस्रो गीत पनि बन्न सफल भएको छ । आज उक्त गीतको टिमले राजधानीमा गीतको सक्सेस पार्टि मनाएको छ । सालको पात बोलको गीतको टिमले राजधानीमा केहि कलाकार र मिडियाका साथ केक काट्दै भव्यसँग गीतको सक्सेस पार्टि मनाएको छ ।

उक्त कार्यक्रममा चर्चित कलाकार केदार घिमिरे पनि उपस्थित भएका थिए । उनले आफूलाई पनि उक्त गीत एकदमै मन पर्ने बताए । त्यतिमात्र नभएर उनले उक्त गीत गाएर पनि सुनाए ।