१३ पुष २०७५, काठमाडौँ
कार्टुन्ज क्रु र भिमफेदी गाईज दुवै नेपालका निकै चर्चित डान्स ग्रुप हुन् । यी दुवै ग्रुपको डान्स भिडियोलाई दर्शकले अत्यन्तै रुचाउने गरेका छन् । यी दुईले एकसाथ केही म्यूजिक भिडियोमा सँगै काम पनि गरेका छन् । भर्खरै मात्र यी दुई डान्स ग्रुपको नयाँ गीत सार्वजनिक भएको छ ।
कोशिस क्षेत्रीको शब्द र संगीत रहेको बाँस काटेर बोलको गीतमा चर्चित गायक दिनेश गौतमको आवाज रहेको छ । उक्त गीतमा भिमफेदी गाईज, कार्टुन्ज क्रु र एलिशा राईलाई फिचरिङ गराइएको छ । उक्त गीतलाई भिमफेदी गाईजका निर्मल लामाले कोरियोग्राफी गरेका हुन् ।
