काठमाडौँ छोडेर नेपालगञ्जमा अटो चलाउँदै झक्कड थापा (भिडियो सहित)

१५ पुष २०७५, काठमाडौँ

नेपाल आइडल सिजन  १ मा आएका प्रतिस्पर्धीमध्ये दर्शकले विर्सनै नसक्ने नाममध्ये झक्कड थापा पनि एक हो । उनको गीतलाई भन्दापनि दर्शकले उनको रमाईलो पक्षलाई बढी रुचाएका थिए । त्यसैले पनि निकै चर्चामा आएका थिए । तर नेपाल आइडल सिजन १ पछि उनी निकै समय मिडियाबाट टाढा रहेका थिए । तर नेपाल आइडल सिजन २ सुरु भएसँगै उनी फेरि मिडियामा आए । झक्कडको आर्थिक अवस्था निकै कमजोर भएकाले उनले यहि बसेर केहि गर्न खोजेका थिए ।

झक्कडले केहि गीतहरु पनि गाए तर विडम्बना उनी सफल हुन सकेनन् । सांगितिक क्षेत्रमा सफलता नमिलेपछि अहिले उनी आफ्नो घर नेपालगञ्ज पुगेका छन् । जहाँ उनका छोरा र श्रीमती पनि छिन् । अहिले सामाजिक सञ्जालमा झक्कडको केहि कुरा फेरि भाइरल भएका छन् ।

कमैलाई मात्र यो कुरा थाहा छ होला की झक्कडले अहिले आफ्नै नयाँ कामको थालनी गरिसकेका छन् । अहिले उनी अटो चालक बनेका छन् । नेपालगञ्जमा उनले एक अटो किनेर त्यहि चलाउँछन् । उनले अटो चलाउन थालेको २ हप्ताजति मात्र भएको जानकारी भएको छ । जे होस् उनले आफ्नै इलम सुरु गर्नु निकै राम्रो कुरा हो । यसबाट उनले आफ्नो आर्थिक अवस्था सुर्धान सक्छन् ।