१५ पुष २०७५, काठमाडौँ
यतिबेला राजधानीमा छायांकन अगावै निकै चर्चा रहेको चलचित्र दाल, भात, तरकारी को धमाधम छायांकन भैरहेको छ । चलचित्रमा धेरैपछि नायिका निरुता सिंहको कमब्याक भएका कारण पनि यो चलचित्र दर्शकको लागि निकै विशेष छ । चलचित्र दाल, भात, तरकारीको हाल गीतको सुटिङ भैरहेको छ । जहाँ आँचलको जोडि चर्चित अभिनेता पुष्पल खड्कासँग जोडिएको छ ।
आँचललाई सबैलाई पल बिना काम नगर्ने कुराको आरोप लगाउने गर्थे तर आँचलले यो कुरालाई झुटो साबित गरिसकेकी छिन् । यतिबेला उनको जोडि पुष्पलसँग बाधिएको छ । एउटै फ्रेममा पुष्पल र आँचलको निकै केमेष्ट्रि देखिएको छ । यतिबेला दुवै चलचित्र दाल, भात, तरकारीको गीतको सुटिङमा व्यस्त छन् ।
सुटिङको क्रममा आँचल र पुष्पसँग कुरा गर्दा दुवैले एकअर्कासँग काम गर्न निकै सहज भएको बताएका छन् । त्यतिमात्र नभएर चलचित्रको गीतमा डान्स गर्न रमाईलो लागिरहेको पनि दुवैले बताए । पुष्पल र आँचलले गीतको सुटिङको क्रममा आफूहरुले २६ टेक खाएको पनि बताए । चलचित्र दाल, भात, तरकारी बैशाखमा प्रदर्शनमा आउने तयारीमा रहेको छ ।
