स्वर्ण पदक होल्डर महर्जन सम्मानित

१५ पौष २०७५, काठमाडौं

शारिरीक सु–गठनमा नेपाललाई स्वर्ण पदक दिलाउने नेपालका महेश्वर महर्जनलाई नेपाल औषधि बिक्री प्रबन्धक सङ्गठनले सम्मान गरेको छ । उनलाई नगद १ लाख १ हजारसहित सम्मान गरिएको बताईएको छ ।

हालै सम्पन्न १० औँ वर्ल्ड बडिबिल्डिङ एण्ड फिजिक स्पोर्टस फेडरेशन च्याम्पिनसिपमा विश्वविजेता बनेर महर्जनले राष्ट्रको गौरव बढाएको भन्दै उनलाई सम्मान स्वरुप सो रकम हस्तान्तरण गरिएको बताईएको छ ।

सम्मानित महर्जनले खेलकूदका माध्यमबाट आफूले प्राप्त गरेको सफलता सबै नेपालीको गौरवको विषय भएको विचार ब्यक्त गरे । कार्यक्रम आयोजक संस्थाका अध्यक्ष सुरजीत दत्त, नेत्रनाथ पौडेललगायतले महर्जनले अन्तर्राष्ट्रिय तहमा भएको उक्त प्रतिस्पर्धामा नेपाल र नेपालीको गौरव बढाएकामा खुशी व्यक्त गर्दै उहाँको जीवनको सफलताको शुभकामना समेत दिएका थिए ।