आखिर किन कट्रिनाले वरुणसँगको फिल्मबाट हात झिकिन् ?

१५ पुष २०७५, काठमाडौँ

वरुण धवन अहिले बलिउडका निकै नै डिमाण्डेड अभिनेता हुन् । आफ्नो लोकप्रियता बढेसँगै उनले डिमाण्ड पनि बढाउँदै गएका छन् । उनको लोभलाग्दो फ्यान फलोअर्स देखेर बलिउड निर्माता निर्देशक उनलाई लिएर चलचित्र बनाउन मरिहत्ते गर्न थालेका छन् । यस्तै केहिसमय अघिमात्र उनले महंगो पारिश्रमिकका साथ रेमो डिसुजाको नयाँ चलचित्र साइन गरेका थिए । जहाँ उनकी नायिकाको रुपमा कट्रिना कैफ फाइनल भएकी थिइन् ।

चलचित्रको छायांनक यहि जनवरी बाट सुरु हुने बताइएको थियो । तर अब कट्रिनाले उक्त चलचित्र नगर्ने भएकी छिन् । उनले चलचित्रबाट हात झिकेको भारतीय मिडियाले जनाएको छ । यतिबेला कट्रिना सलमान खानको चलचित्र भारत मा व्यस्त छिन् । त्यसैकारण पनि उनले रेमोको चलचित्रलाई समय दिन नसकेका कारण चलचित्रबाट हात झिकेको बताइएको छ । अब कट्रिनाको ठाउँमा वरुणको जोडिको रुपमा कुन नायिका आउने हुन् त्यो भने हेर्न बाकिँ नै छ ।