१५ पुष २०७५, काठमाडौँ
अहिलेको समयलाई हर्दा नेपाली चलचित्र क्षेत्रमा सर्वाधिक सफलता पाएको र चर्चित नायक भनेर अनमोल केसीलाई चिनिन्छ । अझ जानकारी पाए अनुसार उनले जति पारिश्रमिक कुनै पनि अभिनेताले लिने गरेका छैनन् । त्यसमाथि उनको लोभलाग्दो क्रेजका कारण निर्माता निर्देशक उनलाई लिएर चलचित्र बनाउन मरिहत्ते गर्ने गर्छन् । अभिनयमा अहिलेसम्म खासै जस नपाएका उनले उनको लुक्स र चलचित्रप्रतिको लगावका कारण नै सर्वाधिक फ्यान पाएका छन् । यतिबेला अनमोल चलचित्र ए मेरो हजुर ३ मा व्यस्त छन् ।
चलचित्र ए मेरो हजुर साइन गर्ने बेला उनले अर्को चलचित्र ब्याचलर बन्टि पनि साइन गरेका थिए । उक्त चलचित्रमा उनले महंगो पारिश्रमिक लिने समेत बुझिएको थियो । चलचित्रलाई मिलन चाम्सले निर्देशन गर्ने बताइएको थियो । तर अब यो चलचित्र नबन्ने देखिएको छ । किनकी ए मेरो हजुर ३ भन्दा पहिले नै छायांकनमा जाने भनिएको चलचित्र अहिलेसम्म पनि छायांकनमा गएको छैन ।
त्यतिमात्र नभएर अब मिलन चाम्स चलचित्र विर विक्रम २ पनि बोबी २ बनाउने तयारीमा रहेका छन् भने अनमोलले पनि चलचित्र ब्याचलर बन्टिका लागि त्यति चासो देखाएका छैनन् । मिलनले एक अन्तवार्तामा अनमोल र मेरो समय नमिलेसम्म यो चलचित्र नबन्ने बताएका छन् । उनको कुरा सुन्दा अब चलचित्र ब्याचलर बन्टि निर्माण नै नहुने देखिएको छ ।
