चीनमा पनि असफल साबित भयो आमिरको ‘ठग्स अफ हिदुस्तान’

१५ पुष २०७५, काठमाडौँ

यसबर्ष बलिउडका स्टार मानिने तिनै खान अभिनेताहरु नराम्रोसँग असफल भएका छन् । तिनै खानका चलचित्र यसबर्ष प्रदर्शनमा आएका थिए तर तिनै खानका चलचित्र बक्सअफिसमा नराम्रोसँग चिप्लिएका छन् । यस्तैमा बक्सअफिसमा हिट चलचित्र दिने अभिनेता आमिर खानको चलचित्र ठग्स अफ हिदुस्तान पनि असफल साबित भयो । त्यतिमात्र नभएर यो चलचित्रलाई दर्शकले नकरात्मक प्रतिक्रिया बढी दिए ।

भारतमा चलचित्रले आशातित व्यापार गर्न सकेपछि चलचित्र चीनमा पनि प्रदर्शन गरिएको छ ।  चीनमा आमिरका फ्यानहरु निकै रहेका छन् । यसअघि चीनमा आमिरको दगंल  र सेक्रेट सुपरस्टार निकै सफल साबित भएका थिए । तर यसपटक चीनमा पनि आमिरको चलचित्र असफल साबित भएको छ ।

चीनका वितरकले चलचित्र ठग्स अफ हिदुस्तान १०० करोड मा किनेका थिए । तर चलचित्रले अहिलेसम्म जम्म २१ करोडको व्यापार गरेको छ । यसरी हेर्दा चलचित्रले चीनमा नराम्रोसँग घाटा व्यहोर्ने देखिएको छ ।