नेपाल आइडलकी अस्मिता भन्छिन्, ‘गीत सुनाउँदै विरामीको सेवा गर्छु’

१६ पुष २०७५, काठमाडौँ

नेपाल आइडल सिजन २ मा आएर दर्शकको अत्यन्तै माया पाउन सफल प्रतिस्पर्धीमध्ये अस्मिता अधिकारी पनि एक हुन् । त्यतिमात्र नभएर नेपाल आइडल सिजन २ को फाइनलमा पुग्ने उनी एक्ली प्रतिस्पर्धी थिइन् ।  उनले नेपाल आइडलमा आएर आफ्नो छुट्टै  पहिचान बनाइसकेकी छिन् ।

स्मरण रहोस् अस्मिता अधिकारी नर्सिङकी विद्यार्थी हुन् । उनले आफ्नो स्वइच्छाले नर्सिङ पेशा रोजेकी हुन् । तर अस्मिता आफूलाई सानैदेखि म्यूजिकमा पनि रुचि भएको बताउँछिन् । उनी आफूले पहिले पहिले भजनहरु खुब गाउने गरेको बताउँछिन् । त्यतिमात्र नभएर अस्मिता आफू नेपाल आइडलमा विजेता बन्छु भनेर नभई केहि सिक्छु भनेर आएको पनि बताउँछिन् ।

अस्मिता अधिकारीले नेपाल आइडल मा आफूले पाएको स्थान निकै महत्वपूर्ण भएको बताइन् । उनी भन्छिन्, यहाँ आउँछु भनेर त कहिले पनि सोचेकी थिइन् । मलाई सबैले माया दिनु भयो, एउटा छुट्टै पहिचान बनाइदिनु भयो त्यो नै मेरो लागि सबैभन्दा ठूलो कुरा हो । उनले पढाइको हिसाबले आफूलाई नर्सिङमा र रुचि गायनमा भएकाले विरामीको सेवा पनि गीत सुनाउँदै गर्छु भनेकी छिन् । जे होस् अस्मिताले दुवैतर्फ आफ्नो भविष्य भने बनाएकी छिन् ।