सञ्जय दत्तका कारण आजसम्म अविवाहित छु : सलमान खान

१८ पुष २०७५, काठमाडौँ

भारतका चर्चित कमेडियन कपिल शर्मा आफ्नो चर्चित शो द कपिल शर्मा शो लिएर फेरि दर्शकमाझ आइसकेका छन् । दर्शकले निकै रुचाएका उक्त शो बीचमा केहि कारणले गर्दा बन्द भएको थियो । तर अहिले फेरि सुरु भैसकेको छ । अहिले कपिलको आगामी शो को एक क्लिप निकै भाइरल भैरहेको छ । उक्त क्लिपमा बलिउड सुपरस्टार सलमान खानले आफू अविवाहित हुनुको कारण खोलेका छन् ।

सलमानले द कपिल शर्मा शो मा आफू नायक सञ्जय दत्तका कारण आफू अहिलेसम्म अविवाहित रहेको बताए । उनको कुरा सुनेर दर्शकले आफ्नो हाँसोलाई कन्ट्रोल गर्न नसकेर निकै हाँसे । सलमानले अझ थपे, एकपटक मलाई सञ्जयले विवाहको बारेमा बताउँदै थिए । त्यसपछि उनको फोन आएर उनी आइहाल्छु भनेर गएका थिए । त्यतिबेला मलाई महशुस भयो की विवाह गर्न कति कठिन रैछ भनेर । सलमानले रमाइलो शैलीमा उक्त कुरा भनेका थिए । विशेष कुरा के हो त्यो भने कपिलको आगामी एपिसोडमा थाहा हुनेछ ।