१८ पौष २०७५, काठमाडौं
शहीद स्मारक ए डिभिजन लिगमा दोस्रो स्थानका लागि संकटा र थ्रीस्टारबीच भएको खेलमा संकटाले बाजी मारेको छ ।
सातदोबाटोस्थित एन्फा कम्प्लेक्समा भएको खेलमा संकटाले थ्रीस्टारलाई २–१ को जित निकालेको हो । खेलको पहिलो हाफसम्म बराबरी खेलेका टोलीको नतिजा खेलको दोस्रो खेलमा गएर अन्तर बनेको हो ।
खेलमा अमित म्यान अफ दि म्याच चुनिए । जितसंगै संकटाले लिगको दोस्रो स्थान पक्का गरेको छ । लिगको उपविजेता बनेको संकटाले १२ खेलबाट २८ अंक जोडेको छ ।
संकटा शीर्ष स्थानको मनाङ भन्दा ८ अंकले पछि छ । तर, संकटा तेस्रो स्थानको थ्री स्टार भन्दा ५ अंकले अघि छ । थ्री स्टारको २३ अंक छ । यस्तै लिगमा एक खेल बाँकी रहदा थ्री स्टारलाई तेस्रो स्थानमा रहन अन्तिम खेल जित्नै पर्ने भएको छ ।
