कार्टुन्ज क्रु को नयाँ गीत रिलिज, पहिलो पटक कार्टुन्ज क्रु का जुनियर कलाकार पनि भिडियोमा

१९ पुष २०७५, काठमाडौँ

द कार्टुन्ज क्रु ले थुप्रै म्यूजिक भिडियो निकालिसकेको छ । जसका कारण अहिले नेपालको सबैभन्दा चर्चित डान्स क्रु पनि बन्न सफल भएको छ । भर्खरै मात्र कार्टुन्ज क्रु को नयाँँ म्यूजिक भिडियो सार्वजनिक भएको छ ।

कमल खत्रीको शब्द र संगीत रहेको माया लै लै बोलको गीतमा कमल खत्री र आयुफ लुईटेलको आवाज रहेको छ । यो गीत पहिले नै निकालिएको थियो । यो गीतमा अहिले कार्टुन्ज क्रु ले कभर गरेर भिडियो बनाएको हो । यो भिडियो कार्टुन्ज क्रु को अहिलेसम्मको सबैभन्दा फरक भिडियो रहेको छ । सधैँभरि आफू नाच्ने कार्टुन्ज क्रु यस पटक आफ्नो भिडियोमा कार्टुन्ज क्रु स्टुडियोमा डान्स गर्ने बच्चाहरुलाई पनि भिडियोमा राखेको छ । यो भिडियो विशेष तिनै बच्चाको रहेको छ । जसलाई सरोज अधिकारीले निर्देशन गरेका हुन् ।