पहिलो पटक एकअर्काको आमनेसामने आउँदै साम्राज्ञी र स्वस्तिमा

१९ पुष २०७५, काठमाडौँ

नायिका साम्राज्ञी राज्यलक्ष्मी शाह अहिलेकी निकै चर्चित र डिमाण्डेड नायिका हुन् । यतिबेला उनी चलचित्र मारुनी मा व्यस्त छिन् । चलचित्र मारुनी मा उनी अभिनेता पुष्पल खड्कासँग देखिने भएकी छिन् । पुष्पलसँग साम्राज्ञीले चलचित्र मङ्गलममा केमियो भूमिकामा काम गरेकी थिइन् । चलचित्र मारुनी मा पुष्पल र साम्राज्ञीका साथ रेबिका गुरुङको पनि प्रमुख भूमिका रहेको छ ।

चलचित्र मारुनी ले आफ्नो प्रदर्शन मिति सार्वजनिक गरिसकेको छ । चलचित्र भदौ १३ बाट देशव्यापी रुपमा प्रदर्शनमा आउने भएको छ । अब २०७६ सालको भदौमा पनि दुई ठूला ब्यानरका चलचित्रको भिडन्त हुने पक्कापक्की नै देखिएको छ । किनकी भदौ १३ मा विकास आचार्यको चलचित्र हजार जुनी सम्म पनि प्रदर्शनमा आउने लगभग पक्का नै छ ।

यसो हुँदा पहिलो पटक दुई चर्चित नायिकाको भिडन्त हुने देखिन्छ । मारुनी मा साम्राज्ञी र हजार जुनी सम्म मा स्वस्तिमा खड्का मुख्य भूमिकामा रहेका छन् । अब भदौ १३ मा दुवै चलचित्र प्रदर्शनमा आएभने बाजी कसले मार्ला ?