१९ पुष २०७५, काठमाडौँ
नेपाल आइडल सिजन २ का उत्कृष्ट ५ प्रतिस्पर्धी यतिबेला जापान पुगेका छन् । जापानमा हुन गइरहेको सांस्कृतिक कार्यक्रमका लागि उनीहरु जापान गएका छन् । जापान पुगेपछि नेपाल आइडलका प्रतिस्पर्धीहरुले जापानका केहि तस्बिरहरु आफ्नो आधिकारीक फेसबुकमा पोष्ट गरेका छन् । जहाँ उनीहरुलाई निकै रमाइरहेको देख्न सकिन्छ ।
नेपाल आइडलका विजेता रवि ओड जापान अघिभन्दा केहिदिन अघिमात्र आफ्नो आमाको अन्तिम संस्कार गरेर आएका थिए । उनी जापान आउने बेला पनि निकै भावुक भएका थिए । तर जापानमा उनी आफ्नो पिडालाई भुलाउनको लागि आफ्ना साथीहरुसँग रमाउन खोजेको तस्बिरमा देख्न सकिन्छ । तस्बिरमा धेरै समयपछि रवि ओडको ओठमा हाँसो देखेर उनका फ्यानहरु खुसी भएका छन् । यो नेपाल आइडल सिजन २ का प्रतिस्पर्धीको पहिलो अन्तिराष्ट्रिय भ्रमण हो ।
