‘विर विक्रम २’ मा समावेश ‘पिरतीको मिठो तिर्सना’ रिमेक गीत सार्वजनिक

१९ पुष २०७५, काठमाडौँ

यतिबेला नायक पल शाह चलचित्र विर विक्रम २ मा व्यस्त छन् । करिब २ बर्ष अगाडी प्रदर्शनमा आएको चलचित्र विर विक्रम को सिक्वेल विर विक्रम २ मा पलको जोडी बर्षा सिवाकोटीसँग बाधिएको छ । चलचित्रमा नाजिर हुसेनको पनि प्रमुख भूमिका रहेको छ । भर्खरै मात्र चलचित्र विर विक्रम २ को पहिलो गीत सार्वजनिक भएको छ ।

पुरानो चलचित्र देउता को सुपरहिट गीत पिरतीको मिठो तिर्सना लाई रिमेक गरी चलचित्र विर विक्रम २ मा समावेश गरिएको छ । कुसुम गजमेर र तुलसी घिमिरेको शब्द र रञ्जित गजमेरको संगीत रहेको रिमेक गीतमा ताराप्रकाश लिम्बु र मेलिना राईको आवाज रहेको छ । उक्त गीतमा चलचित्रका मुख्य कलाकार पल शाह, नाजिर हुसेन र बर्षा सिवाकोटीलाई फिचरिङ गराइएको छ । रिमेक गीतलाई दर्शकले कत्तिको मन पराउने हुन् त्यो भने हेर्न बाकिँ नै छ ।