जापानमा हजारौँ दर्शकका माझ नेपाल आइडल बिजेता रविको प्रस्तुती, यसरी तात्यो माहोल

२० पुष २०७५, काठमाडौँ

नेपाल आइडल सिजन २ का उत्कृष्ट ५ प्रतिस्पर्धीले आफ्नो विदेश भ्रमण सुरु गरिसकेका छन् । पहिलो पटक उनीहरुले जापानमा आफ्नो प्रस्तुती दिएका छन् । जापानमा भएको सांस्कृतिक कार्यक्रममा जापानका केहि स्थानीय कलाकार नेपाल आइडलका उत्कृष्ट ५ प्रतिस्पर्धी र चर्चित नायिका तथा मोडल एलिशा राईले स्टेज तताएका थिए ।

उक्त कार्यक्रममा नेपाल आइडलका प्रतिस्पर्धीको प्रस्तुतीमा जापानका दर्शक निकै रमाएका थिए । विशेषगरी नेपाल आइडल सिजन २ का विजेता रवि ओड स्टेज चडेपछि माहोल नै अर्कै बनेको थियो । रविको प्रस्तुतीमा दर्शकको सबैभन्दा धेरै हुटिङ आएको थियो । उनले दर्शन नमस्ते, पियालो साथीले र आफ्नै ठाउँको देउडा गीत गाएका थिए । जे होस् जापानमा पनि रविको निकै लोभलाग्दो क्रेज देखिएको थियो ।

नेपाल आइडल जितेको केहिदिनमै आफ्नी आमा गुमाएका रविले स्टेजमा भने आफ्नो दुखलाई विर्सदै दर्शकलाई निकै नै मनोरञ्जन दिए । जे होस उनको यो भावलाई सम्मान गर्नैपर्छ । उनले आफू दुखी भएपनि आफ्ना दर्शकलाई भने दुखी हुन दिएनन् ।