विर विक्रम २ मा काम गर्न पाएकोमा पलले आकाशलाई धन्यवाद दिए

२० पुष २०७५, काठमाडौँ

हिजोमात्र चलचित्र विर विक्रम २ को पिरतीको पिठो तिर्सना बोलको गीत सार्वजनिक भएको छ । पुरानो चलचित्र देउता को गीतलाई रिमेक गरेर चलचित्र विर विक्रम २ मा समावेश गरिएको हो । गीतले युट्युबमा राम्रो भ्यूज पाइरहेको छ । गीत सार्वजनिक गर्नका लागि राजधानीमा एक प्रेम मिट राखिएको थियो ।

पलले गीत सार्वजनिक कार्यक्रममा आकाशलाई धन्यवाद दिएका छन् । उनले आकाशका कारण नै यो चलचित्रमा काम गर्न पाएका हुन् । किनकी यो चलचित्रमा पहिले आकाश फाइनल भएका थिए । तर आकाशले विशेष कारणले गर्दा चलचित्र छोडेपछि चलचित्रमा पल भित्रिएका हुन् । पलले आफूलाई चलचित्रको कथावस्तु मन परेकाले छिट्टै यो चलचित्र गर्न राजी भएको समेत बताए ।