२० पुष २०७५, काठमाडौँ
नायिका झरना थापाले आफूलाई नायिका मात्र नभएर निर्देशकको रुपमा पनि परिचित गरिसकेकी छिन् । उनले पहिलो पटक निर्देशन गरेको चलचित्र ए मेरो हजुर २ गतबर्ष प्रदर्शनमा आएको थियो । उक्त चलचित्र बक्सअफिसमा निकै सफल साबित भएको थियो । ए मेरो हजुर २ लाई दर्शकले रुचाएपछि अहिले झरना चलचित्र ए मेरो हजुर ३ मा व्यस्त छिन् ।
चलचित्र ए मेरो हजुर ३ बाट झरनाले आफ्नी छोरी सुहानी थापालाई नेपाली चलचित्र जगत्मा भित्र्याउँदै छिन् । चलचित्रमा सुहानीको जोडी अहिलेका हटकेक अभिनेता अनमोल केसीसँग बाधिएको छ । भर्खरै मात्र सुहानीले सामाजिक सञ्जालमा आफ्नो तस्बिरहरु सेयर गरेकी छिन् ।
जहाँ उनले तातो ज्याकेट लगाएकी छिन् । झरनाकी छोरी झरनाभन्दा पनि धेरै राम्री छिन् । उनको सुन्दरता र बोल्ने शैली निकै राम्रो रहेको बताइन्छ । अब उनको काम भने कस्तो छ त्यो चाहिँ चैत्र २९ गते नै थाहा हुनेछ ।
