२२ पुष २०७५, काठमाडौँ
बलिउडमा अत्यन्तै रुचाइएको जोडीमध्येको एक जोडी अनुष्का शर्मा र विराट कोहलीको पनि हो । उनीहरु बलिउडका क्युट कपलको रुपमा परिचित छन् । विराट कोहली भारतीय क्रिकेट टिमका क्याप्टेन हुन् भने अनुष्का शर्मा बलिउडका निकै व्यस्त र चर्चित अभिनेत्री हुन् । लामो समयसम्मको प्रेमप्रश्चात यी दुईले गतबर्ष नोभेम्बरमा विवाह गरेका थिए ।
यतिबेला विराट क्रिकेट टिममा भारतको तर्फबाट अष्ट्रेलियासँग भिड्ने तयारीमा अष्ट्रेलियाको सिड्नी पुगेका छन् । आफ्ना श्रीमान् अर्थात् विराटलाई साथ दिन र उनको हौसला बढाउनको लागि अनुष्का पनि सिड्नी पुगेकी छिन् । यसबाट विराटप्रति उनको कत्तिसम्म माया रहेछ भनेर स्पष्ट देख्न सकिन्छ । अनुष्काले सामाजिक सञ्जालमा एक तस्बिर राख्दै तिमीले मलाई खुसी केटी बनाउन सक्छौ भन्ने स्टाटस लेखेकी छिन् । जे होस अनुष्का र विराटको माया तारिफ गर्न योग्य छ ।
