२२ पौष २०७५, काठमाडौं
चेल्सी एफ ए कप फुटबलको चौथो चरणमा प्रवेश गरेको छ । शनिबार भएको तेस्रो चरणको खेलमा फोरेष्टलाई २–० ले पराजित गर्दे चौथो चरणमा प्रवेश गर्न सफल भयो ।
घरेलु मैदानमा चेल्सीलाई जित दिलाउन अल्भारो मोराटाले उत्कृष्ट प्रदर्शन गरे । मोराटा नायक बन्दा चेल्सीले चौंथो चरणको यात्रा सुरक्षित गरेको थियो। पहिलो हाफ गोलरहित बराबरीमा सकिएको खेलको दोस्रो हाफमा मोराटाले दुई गोल गरेका थिए । खेलको ४९ औं मिनेटमा मोराटाले गोल गर्दै घरेलु टोलीलाई अग्रता दिलाए ।
खेलको ५९ औं मिनेटमा मोराटाले गरेको व्यक्तिगत दोस्रो गोल टिमलाई २–० को जित दिलाए । त्यसअघि खेलको पहिलो हाफमै चेल्सीले गोल गर्ने राम्रा मौकाहरु सदुपयोग गर्न सकेन् । ३१ औं मिनेटमा चेल्सीका सेस फेब्रिग्यासले पेनाल्टीमा गोल गर्न चुक्दा सुरुवातमानै गोलको मौका चुकेको थियो ।
एफए कप अन्तर्गत नै एभर्टनले लिनकोन सिटिलाई २–१ गोल अन्तरले हराएर चौथो चरणमा स्थान पक्का गर्यो ।
