‘ब्याचलर बन्टि’ बाट हात झिके अनमोलले, भन्छन् अब ६ महिना आराम गर्छु

२३ पुष २०७५, काठमाडौँ

अनमोल केसी अहिलेका सर्वाधिक डिमाण्डेड र व्यस्त अभिनेता हुन् । उनी यतिबेला चलचित्र ए मेरो हजुर ३ मा व्यस्त छन् । उनी चाडैँ नै चलचित्रको केहि छायांकनमा लागि अमेरिका पनि जादैँछन् । उनले आफूले केहिसमय अघि साइन गरेको चलचित्र ब्याचलर बन्टिबाट हात झिकेका छन् । यस चलचित्रको लागि नायिका पनि फाइनल भैसकेकी थिइन् । तर अब अनमोलले उक्त चलचित्र नगर्ने भएका छन् ।

अनमोलले आफूले एकै बर्षमा २ वटा चलचित्रलाई समय दिनु परेकाले निकै थाकेका बताए । त्यतिमात्र नभएर उनले अब ६ महिनासम्म कुनै पनि प्रोजेक्ट नगरी आराम मात्र गर्ने बताएका छन् । उनले ब्याचलर बन्टि निर्माण पक्षको सहमतिसँग छोडेका हुन् । उनले आफूलाई चलचित्रको कथा मन परेको तर चलचित्रमा भएको भूमिका आफूलाई नसुहाँउने जस्तो लागेकाले चलचित्रबाट हात झिकेको बताए ।